თემა: ჩვენი მშობლიური ბუნება

 მშობლიურ ბუნებაზე წარმოდგენები არის არა მხოლოს პატრიოტიზმი არამედ, დიდი მოქალაქეობრივი პასუხისმგებლობა,  ზრუნვა ეკოლოგიური სისტემის შენარჩუნებაზე და გლობალური პრობლემების გამკლავებაზე. ამის აღზრდა შთაგონებით იწყება ჯერ კიდევ ადრეულ ბავშვობაში, როცა ბუნების სიყვარული ჯერ კიდევ რთული გრძნობაა, რომელიც იწვევს ემოციებს, ინტერესს,  ბუნებრივი სიმდიდრის დაცვის, ზრუნვის და გამრავლების სურვილს.

აქ პედაგოგის წინაშე დგას საკმაოდ რთული ამოცანა. კერძოდ, ჩამოუყალიბოს მოსწავლეს ესთეტიკური გრძნობები, ბუნების სილამაზის დანახვისა და აღქმის უნარი. ინტერესის გაღვიძება მშობლიური ბუნების, მშობლიური მხარის შესწავლის შესახებ. ბუნების მიმართ ფაქიზი დამოკიდებულების, დაცვის, მზრუნველობის უნარის განვითარება.

ამასთან დაკავშირებული საკითხების შესწავლისას, დამრიგებელმა ისე უნდა დაგეგმოს აქტივობები, რომ გაითვალისწინოს მოსწავლეთა ასაკობრივი თავისებურებები, რათა მოსწავლეები აქტიურად ჩაერთონ  და დაეუფლონ ახალ ხერხებსა და უნარებს.

აქტივობები:

• 1.      მიზნობრივი გასეირნება,
• 2.      საუბრები,
• 3.      ლიტერატურის კითხვა-განხილვა,
• 4.      დაკვირვება და ჩანაწერები,
• 5.      ბუნების კუთხის შექმნა,
• 6.      მცენარეების მოვლა,
• 7.      ფილმების ნახვა და ანალიზი,
• 8.      ექსკურსია და ა.შ.     

    

სავარაუდო სამუშაო თემები:

• 1.      ტყის დღე (წავიკითხოთ ხმელი წიფელი და ავაგოთ სხვადასხვა აქტივობები)
• 2.      მუხა (საუბარი მცენარის შესახებ, მუხის კულტი ძვ. საქართველოში, „მუმლი მუხასაო“ და ა.შ.)
• 3.      ცხოველების შესახებ საუბარი (რა ცხოველები ჰყავთ სახლში, როგორ უვლიან საფრთხის შემთხვევაში)
• 4.      ბუნების დაცვა. (სახელმწიფო კანონმდებლობა მათთვის გასაგები ენით და ა.შ.)
• 5.      ინფორმაცია ნაკრძალების შესახებ ზოგადად (საქართველოს ნაკლრძელები და მათი მიზნები) 

 

საშინაო დავალებები:

„ფანტაზია და მარჯვე ხელები“ (ნაკეთობების გამოფენა)